Tuesday, July 31, 2012

ကောက်ရိုးပုံထဲက အပ်တစ်ချောင်း

စား စား စား
ဒါပေမဲ့
နည်းနည်း လျှော့
နည်းနည်းတော့ ချန်အုံး
ဖြေးဖြေး ဖြေးဖြေး
အေးအေး ဆေးဆေး
အာ...
ခက်တော့ခက်နေပြီ
ဒါကဒီလိုလေ
ဘာ......
မင်းဂုတ်ကိုလိမ်ချိုးသွားတယ်...
ဟုတ်လား...
အော်...အဲဒါဆိုလဲ ကိုယ့်လျှာကိုယ်...
ခေါက်သိမ်းထား
ဘာ......
အတ္တကို ရွှေလင်ပန်းနဲ့ဆီဆမ်းခဲ့....
ဟုတ်လား...
အော်...အဲဒါတွေက
အရေခွံပေါ်က ညှင်းသိုးသိုးစကားလုံးတွေပါဗျာ
(နောက်တစ်ခါထပ်မပြောမိစေနဲ့)
အဲဒါကိုအဲဒါနဲ့ယှဉ်လို့မရ
အဲဒါကအဲဒါဖြစ်သလို
အဲဒါကအဲဒါ....ဒေါက် ဒေါက် ဒေါက်
ဟော ပြောရင်းဆိုရင်း
သူလာနေတာလား ဘာလားပဲ...မထူးဘူး
ဖွင့်ချလိုက်...
စကားလုံးတွေကလည်း ယိုင်ထိုးထိုး
သူလာနေပြီ
အာ...အဲဒါကြီးကလဲရောက် မရောက်နိုင်ဘူး
ကဲ....ကဲ
ကိုယ့်တောင် ကိုယ်တက်
ကိုယ့်ဘောင်ကိုယ်ခတ်ထားနှင့်အုံး
ကိုယ့်ဝိညာဉ် ကိုယ် ဆွဲထူနေရတာချင်းအတူတူ
စားစားစား
ဒါပေမဲ့
နည်းနည်း လျှော့
နည်းနည်းတော့ ချန်အုံး ။   ။

                                                နွေဦးလေ

Wednesday, July 25, 2012

အရေးပေါ်ကားပေါ်က ကြက်ခြေခတ်များနဲ့ခဏတာ

တစ်ကြိုးငင်..နှစ်ကြိုးငင်..သုံးကြိုးငင်
ရှုပ်ထွေးစွာပင် ကွန်ယက်အဖြစ်..
ဖြန့်ကျက်
အကျဉ်းချထားတဲ့ တစ်ခန်းရပ်ရမ္မက်ကို
အာသာတငမ်းငမ်းနဲ့လျှာပေါ်ထိုးတင်
အရသာခံရင်း....
                လောင်ကျွမ်း...
"ဒီမှာ မောင်မင်း...သင်ကြောက်တတ်ပါသလား"

ခဲရာခဲဆစ်နဲ့ ထုဆစ်ထားရတဲ့
ငါတို့ရဲ့ကြေကွဲဖွယ်အဖြစ်သနစ်ကို..
ခပ်တင်းတင်းဖမ်းဆုပ်ထားတဲ့ကြားက
မျက်ရည်တွေ....ယိုစီးဖိတ်ကျ လာနေပြီ....
ဒီအချိန် ဒီအခါ...ဒီချိန်ခါမှာ..
သွေးသောက်ဖူးတဲ့...ဓားသွားလို...ကဗျာတစ်ပုဒ်ဟာ...
သွေးဆာဆာနဲ့ နေပူပူမှာ"ရဲရဲတောက်"
ဒါဟာလရောင်ရဲ့"တောက်"ခေါက်သံတစ်ချက်ဖြစ်နေရဲ့
ဒါဟာတိတ်တဆိတ် အိမ်မက်တွေကိုခြွေခူးမဲ့မျက်နှာဖုံးတပ်..
စက်သေနတ်တွေရဲ့နိဒါန်းဖြစ်နေရဲ့
"မောင်မင်း သင်ထန်းသီးစားနေပါသလား"
စားရင်းသောက်ရင်း...စားသောက်ရင်း...
လောကရဲ့ကန့်လန့်ဖြတ်တိမ်းစောင်းမှု
"သတိပြုပါ"
ငါတို့ရင်းခဲ့ရတဲ့ငါတို့ဖြစ်တည်မှု
"သတိပြုပါ"
ငါတို့ကိုယ်တိုင်ငါတို့ အဆုံးစီရင်မှု
"သတိပြုပါ"
နေကွယ်တောင်စောင်းက တောတောင်တွေရဲ့..
အသက်ရှူ... ငွေ့ရည်ဖွဲ့မှု
"သတိပြုပါ"
"လေးညှို့သံကိုမျက်တောင်မခတ်နားစွင့်နေပါ မောင်မင်း"
ဟိုမှာ ဒီမှာ ဟိုနေရာ ဒီနေရာမှာ...
ငါတို့ရဲ့ချိုရှရှ အိမ်မက်တွေဟာ...
လောကဓံကို ချကျွေးခံခဲ့ရပြီးပြီ...

နောက်ထပ်...နောက်တစ်ခါ...နောက်တစ်ခေါက်...
ခပ်ရှင်းရှင်းပြောရရင်...
အရာရာတိုင်းဟာ....
အဆက်မပြတ်လည်နေတဲ့ ဒလက်လို
အမြှုပ်ထနေတဲ့ဘီယာတစ်ခွက်လို
တရွှေ့ရွှေ့လွင့်နေတဲ့ ကောင်းကင်ပြာကြီးလို
ငါတို့နေ့စဉ်စားသုံးနေရတဲ့ ငါတို့ကံကြမ္မာရဲ့ဝှက်ဖဲတွေလို..
ဟော..ဟော....ပြောရင်းဆိုရင်းနဲ့
ဘ၀တွေဟာ ဖြုတ်ကနဲ ဖြုတ်ကနဲ...
ကြယ်တွေလို ကြွေကျကုန်ပြီ....။    ။
         
                                      နွေဦးလေ

Thursday, July 19, 2012

တလူလူလွင့်နေသောမီးခိုးငွေ့များအကြောင်း

ကိုယ့်အတ္တကိုယ်တွန်းတင်နေကျ.......
မနက်ဖြန်တွေကိုလှုပ်နှိုးလိုက်မိတဲ့အချိန်.....
      "အိမ်"
"အိမ်"ဆိုတာဘာလဲဟင်............
တရွေ့ရွေ့စီးနေတဲ့ဟောဒီကားတန်းကြီးလား......
ဒါမှမဟုတ်....ရွှေအိုရောင်ဖန်ခွက်...ထဲက....
ပေါလောပေါ်နေတဲ့..ရေခဲတုံးလေးတွေလား....
ဟိုးတစ်ဖက်က...တခုတ်တရ..ကခုန်နေကြတဲ့...
မီးရောင်စုံတွေလား........................
............................
      ................................
            "မသိဘူး"
ထူထူပျစ်ပျစ်..နေ့ရက်တွေထဲကို...
အသည်းအသန်ပျော်ဝင်နေရတဲ့......
အခုရပ်တည်နေတဲ့...နေရာမှာ....ရေမထိုး..အလေးမခိုးဘူးဆိုတဲ့...
"ငါ"..."ငါ"...."ငါ"...."ငါ..."ငါ"....ငါ"....ငါ"..တွေ....ပလူပျံနေပေမဲ့....
ငါခပ်ရေးရေးသိတဲ့...."အိမ်"ဆိုတာမှာ....
ဒါမျိုးတွေမရှိဘူး...(ရှိရင်တောင်မသိဘူး...)...
.............................။
            "ဤခရီးနီးသလား"
အနားမညီတဲ့....ဘာသာစကားတွေနဲ့..လာလာမေးကြတဲ့အခါ.....
ခြောက်သွေ့စေးကပ်နေတဲ့...လည်ချောင်းထဲမှာ.....
ဟာ.............တာ.........တာ..........
ဟော..ဟိုးမှာ...အလင်းတန်းတွေ...မီးပန်းတွေ...
မပျော့ပျောင်းဘူး.....................
ဟော...ဟိုးမှာ.....မိုးမျှော်တိုက်...လိုခေါ်ကြတဲ့...ထိုးထိုးထောင်ထောင်ကြီးတွေ..ကုဗတုံးကြီးတွေ..
မယဉ်ပါးဘူး.........
ဟောဟိုးမှာ.....ပလတ်စတစ်..သစ်ပင်တွေ...ပုံတူမျိုးပွား..လူသားတွေ...
မရပ်နားဘူး......

ကဲ.အဲဒါဆို...အခုလက်ရှိ...."ဒီဘ၀"ကို"ဒီမျှသာ"လို့ပဲ  ခေါက်ရိုး ချိုးချလိုက်ရတော့မလား.....
ပါးစပ်ထဲပစ်ထည့်ပြီး....မီးခိုးတွေ(တအူအူ)မှုတ်ထုတ်လိုက်ရတော့မလား......
မနက်ဖြန်ရဲ့..မိုးကောင်းကင်ကြီးဟာ..အရှင်လတ်လတ်ကွဲကြေနေအုံးမလား..(ယခင်...ယခု..နေ့များလို)....
ကိုယ်ကိုယ်တိုင်ထူ....ကိုယ်ကိုယ်တိုင်ထ......
ကိုယ်ကိုယ်တိုင်...လှဲချ....လိုက်ရအုံးမလား..........
ယခု....အခုအချိန်လို...."ငါ".....ဘယ်မှာ..ဘယ်နေရာမှာမှန်း.....မသိ....
ပျောက်ရှသွားတဲ့အခါမှာ..............
                    "အိမ်ပြန်ချင်တယ်.....ဟူး"

                                                                     နွေဦးလေ