နွေအလွမ်း

နွေအလွမ်း

ချစ်ခြင်းဟာ

သစ်ရွက်ခြောက်တွေလို တစ်ရွက်ချင်းကြွေကျ

ကျွန်တော်လာနေကျ လမ်းလေးဘေးမှာ

အမှိုက်ပုံလေးဖြစ်ခဲ့ရောပေါ့။

ဟောကြည့်

လေနှင်ရာဘက်ကို ယိမ်းထိုး

ဟိုတစ်ရွက် ဒီတစ်ရွက်နဲ့

အပြတ်ပြတ် ကွဲထွက်

လိုရာမရောက် ခရီးမပေါက်ခဲ့တဲ့

ဝိညာဉ်တစ်ခုအတွက်တဲ့လား...

လိုရာမပြော စည်းစောင့်ခဲ့တဲ့

နှုတ်ခမ်းတစ်စုံအတွက်တဲ့လား...

သက်ပြင်းညည်းသံတွေ

နားမဆံ့အောင်ကြားခဲ့ရပေါ့

အင်း...

ခြေတစ်လှမ်းရဲ့ တန်ဖိုး

အပြုံးတစ်ပွင့်ရဲ့ တန်ဖိုးကို

နှလုံးတစ်ချက်ခုန်နှုန်းနဲ့

ကျွန်တော်ဆုံးဖြတ်ပါရစေဗျာ။

အသွားလမ်းကို

ကျွန်တော့်အတွက် အပြန်လမ်းအဖြစ်

ကျွန်တော် တစ်နွေကုန်လည်း စောင့်မျှော်နေမိ

ငေးငိုင်နေမိ။

ကျွန်တော့်အတွက်သူမဟာ ဘယ်တော့မှအဆုံးမရှိ

ကျွန်တော်ကိုယ်တိုင်လည်း အဆုံးမသိ။

အို...ဒီတစ်နွေအကုန်မှာတော့

အလွမ်းတွေတစ်ခွက်ပြီး တစ်ခွက်မော့သောက်ရင်း

ကျွန်တော့်ရဲ့ချစ်ခြင်းဟာ ရွက်ကြွေတွေအဖြစ်....။

နွေဦးလေ
                                                     Hello ဂျာနယ်

ပန်းပျိုးလက်များ

-အမှားကိုကြဉ်

 အမှန်ပြင်

 ရေစင်ပက်ဖျန်း

 ပန်းတွေလန်းစေ။

-တုံ့ပြန်အကြိုး

 မမျှော်ကိုး

 ရိုးဂုဏ်ဒီလမ်း

 ပန်းတွေလန်းစေ။

-မခွဲကျောရင်

 ထွေးပွေ့ချင်

 တူယှဉ်ရင်နန်း

 ပန်းတွေလန်းစေ။    ။

-လူ့ဘုံခန်းဝါ

 အနှိုင်းမဲ့ဆရာ

 မေတ္တာစွမ်းနဲ့

 ပန်းတွေလန်းစေ၊

-ပန်းဥယျာဉ်ကမ္ဘာ

 ရောင်စုံဖြာ

 ထာဝစဉ်စိမ်းလန်း ဒီစခန်းမှာ

 ပန်းပျိုးလက်များ

  ကမ္ဘာတည်စေ။    ။

                                             နွေဦးလေ

                                               အ.ထ.က (၁)ပြည်       ကျောင်းနှစ်ပတ်လည်မဂ္ဂဇင်း

အို....၀တ်ရုံ

ရွှေအတိဖုံးခြင်းမျိုးမဟုတ်

ငွေအတိပြီးခြင်းလည်း မဟုတ်

သို့သော်

တဒုတ်ဒုတ်...ရင်ခုန်သံတို့သည်ကား

ကောင်းကင်ထိတိုင်...ဝေဆာလျက်

အို...အမိ။

ချစ်သော သား၊ သမီးတို့သည်ကား

အရွယ်ရောက်၊ လူလားမြောက်သော်

အမိ ၀တ်ရုံလွှာအောက်က ရုန်းထွက်

အပြုံးမိုးစက်တွေ တစက်စက်နှင့်

ငိုသူငို၊ ရှိုက်သူရှိုက်

ကျွန်ုပ်သည်လည်း နာကျင်မှုကိုရင်ဝယ်ပိုက်

ရှူရှိုက်သမျှအသက်ရှူသံတွေဟာ

သက်ပြင်းတွေပါ အမိရယ်...

ဟိုးအဝေးကို ကြည့်လိုက်ပါဦးအမိ

ကိုယ်ပိုင်ဝတ်ရုံ၊ ခြုံထည်ကိုယ်စီနှင့်

အရောင်မျိုးစုံ...အမျိုးစုံလှရဲ့

ကိုယ်ပိုင်တောင်စွယ်၊ တောင်တန်းများမှာ

နေအစင်းစင်းအဖြစ် ထွက်ပေါ်လုပေါ့ အမိရယ်...

အမိမှာတော့ဖြင့် သမိုင်းပေးတာဝန်တွေထမ်းပိုးရင်း

မော်ကွန်းသစ်အတွက် အားတင်းနေရဆဲပေါ့...

အမိမပူပါနဲ့...

နိုင်ငံတော်မြေပုံဟာ....

ကျွန်တော်တို့လက်ထဲမှာပါအမိ

နေရောင်မှာ ရဲရဲတောက်တဲ့သွေးဟာ

ကျွန်တော်တို့ ကိုယ်ထဲမှာရှိတယ်အမိ....

နိုင်ငံတော်သီချင်းကြားတိုင်း

အမိကို တန်းသတိရမိတာကို

သက်သေတည်ပါတယ်။

အော်....

ဘယ်လို အခြေမျိုးမှာပဲဖြစ်ဖြစ်

အဖြူ၊ အစိမ်းကို တွဲဖက်မြင်မိရင်တော့ဖြင့်

ကျွန်တော့်မျက်ဝန်းမှာ မျက်ရည်တွေနဲ့ပါအမိရယ်....

ကျွန်တော် တမ်းတသမျှ၊ လွမ်းရသမျှဟာ

အမိရင်ခွင်ပေါ်မှာ ပေါက်ဖွားခဲ့တယ်ဆိုတာ

အစဉ်သတိရရင်း

ယခုရောက်ရာ အရပ်က ပဆစ်တုပ်

ဤကဗျာလေးတစ်ပုဒ်နဲ့ ပူဇော်လိုက်ပါရစေ။

နွေဦးလေ

ကမ္ဘာကြီးပူနွေးခြင်း

အဆုံးမသိတဲ့ ကောင်းကင်အောက်

တိမ်လိုလွင့်

အိုဇုန်းရဲ့ အပေါက်အပြဲသတင်းတွေကြားထဲ

နေမင်းကြီးက ငါတို့ရဲ့ခေါင်းထက်

သူ့အရှိန်နဲ့သူ လောင်မြိုက်

ငါတို့ခန္ဓာမှာ ဟိုတစ်ချက်၊ ဒီတစ်ချက်

ပူလောင်မှုတွေ ကမ္ဘာပျက်

အမာရွတ်တွေ အခါခါထပ်

အို...ရေမရှိ၊ ဘာမရှိ...

အိတ်ထဲကို စမ်းကြည့်တော့

သကြားလုံးတချို့

နှစ်ဆယ်၊ သုံးဆယ်

ဒါပဲရှိတော့လို့...၊ ဒါပဲစား၊ ဒါပဲဝါး

ခြေဦးတည့်ရာ ပြေးလွှားရင်း

မိုင်တိုင်တွေ တစ်ဖြတ်ပြီးတစ်ဖြတ်ကျော်သွားတယ်

ခိုစရာ သစ်ရိပ်မတွေ့

ညနေ မစောင်းသေးဘူး...။

နွေဦးလေ

အသစ်ဖြစ်နေသော

စူးရှတဲ့ဝေဒနာက  

ငါ့နှလုံးသားက တူးဆွ

ဆိုးရွားစွာ နွမ်းလျမှုမှာ

ငါဟာ တွယ်ရာမရှိ

ငါဟာ အကြင်နာမရှိ

ဘာမှမရှိတော့တဲ့ အခေါင်းပေါက်လူ

မင်းတို့နဲ့ မတူဘူးပေါ့..။

စိတ်ကူးတွေက လေနှင်ရာကိုမလွင့်ဘူး

အိပ်မက်တွေက စေညွန်ရာကိုမရောက်ဘူး

ဟုတ်တယ်လေ...

အချိန်၊ နာရီမသိ နေ့ရက်မရှိတဲ့

နေရာတစ်ခုကို ငါ့ခြေတစ်ဖက်ကိုနင်းချ

ငါ့ဈာပန ငါကျင်းပဖူးပြီပဲ

ကွဲကြေနေတဲ့ ကာရံတွေအောက်မှာ

ငါ့ကဗျာတွေ အဆုံးမသတ်သေးသ၍

ဟောင်းအိုနေတဲ့ စကားလုံးတွေအောက်မှာ

ငါ့သံစဉ်တွေ မသေဆုံးသေးသ၍

ဒီခပ်နွမ်းနွမ်းကဗျာတစ်ပုဒ်ကို

မြတ်နိုးမှုဆိုတဲ့ အတ္တတစ်မျိုးအတွက်

ငါရေးဖွဲ့နေမိလိမ့်မယ်ထင်ပါရဲ့

ဒီနေ့....နောက်နေ့....နောက်တစ်နေ့မှာ....ငါ....။

နွေဦးလေ

စိုးရိမ်ရေမှတ်

တလှပ်လှပ် ၊  အရောင်တွေ

ငါ့ရှေ့မှာ    ပြေးကြလွှားကြ

ငါ့မှာငိုရမယ်မသိ ၊ ရယ်ရမယ်မသိ

ရင်ထဲကတော့ဖြင့်မချိဘူး...။

ဟော..ကြည့်...........

အနိမ့်အမြင့်မမှန်ဘူး..

ဂဏာမငြိမ်ဘူး......

ချိနဲ့နဲ့ မျှော်လင့်ချက်မှာ..

ငါတို့ဆိုတာ ရေးရေးလေးရယ်...။

ကောင်းကင်ကြီးကတော့ လေပြေတွေကိုစားသုံး

မုန်တိုင်းတွေကိုအန်ထုတ်

အလုပ်...အလုပ်....။

ရေစီးသံမှာ ငိုချင်းရောတဲ့နေ့...

သွေးချောင်းစီးတဲ့နေရာမှာ

ဖောက်ခွဲသံတွေကိုမြေမြှုပ်သဂြိုလ်ခဲ့တော့....

အို....................

ငါတော့ ဒီမိုးလေ၀သကြီးကိုမုန်းတယ်.....

မုန်းတယ်.....မုန်းတယ်......မုန်းတယ်.....မုန်းတယ်...။

    နွေဦးလေ
                                  Hello ဂျာနယ်

ဆောင်းအကူး မိုး

လေနှင်ရာကို ရွေ့စီးနေတဲ့တိမ်တွေ...
ဖြူလိုက်၊ ပြာလိုက်၊ ၀ါလိုက်၊ မှောင်လိုက်
ကောင်းကင်ထက်မှာ ရေးဆွဲလိုက်ကြ
အဲဒါ ငါ့ဘ၀လား
ဒါမှမဟုတ် အဲဒါ ငါ့အတ္တလား
မသေချာဆုံးသော မေးခွန်းကိုသာ
အခါခါ ပြန်ဖတ်
ရမက်လည်း မဟုတ်ဘူး...
ကိုယ်ကိုယ်တိုင်  ခ၀ါချထားတဲ့ သံစဉ်လည်းမဟုတ်ဘူး
ညနက်သန်းခေါင်မှာ ငိုကြွေးခဲ့တဲ့ မျက်ရည်တွေလည်းမဟုတ်ဘူး
တမြေ့မြေ့ကျွမ်းနေတဲ့ အသည်းလည်းမဟုတ်ဘူး
ဟူး.....
နောက်ဆုံးအနေနဲ့ ကျန်ခဲ့တဲ့
ခပ်နွမ်းနွမ်းအကာအရံတစ်ခုကို အချစ်လို့ယုံကြည်ပြီး
ငါ့ကာရန်တွေ ချမ်းလုလုပေါ့...
ဟုတ်တယ်လေ
ဒီနေ့ နည်းနည်းအေးတယ်
ဆောင်းခိုငှက်တွေကိုလည်း ငါတွေ့လိုက်ရတယ်...
ပင့်ကူအမျှင်တွေကြားက ငါ့ဂစ်တာလေးကတော့
သံစဉ်တွေအစား မျက်ရည်တွေ ငိုချလိုက်ရော....။


နွေဦးလေ